പ്രശസ്ത ഗായകന്‍ സോമദാസ് ചാത്തന്നൂര്‍ അന്തരിച്ചു. കൊല്ലം പാരിപ്പള്ളി മെഡിക്കല്‍ കോളേജില്‍ കോവിഡ് ബാധയെ തുടര്‍ന്ന് ചികിത്സയിലായിരുന്നു. ആശുപത്രിയില്‍ പ്രവേശിപ്പിച്ചതിന് ശേഷം പിന്നീട് വൃക്കയ്ക്കും രോഗബാധ കണ്ടെത്തി ചികില്‍സ തുടങ്ങി. കഴിഞ്ഞ ദിവസമാണ് ഇദ്ദേഹം കോവിഡ് മുക്തനായത്. ഹൃദയാഘാതത്തെ തുടര്‍ന്നായിരുന്നു അന്ത്യം. 42 വയസായിരുന്നു.
ഐഡിയ സ്റ്റാര്‍ സിംഗറിലൂടെ പ്രശസ്തനായ ഇദ്ദേഹം ബിഗ് ബോസ് മത്സരാര്‍ത്ഥി കൂടിയായിരുന്നു. കൊല്ലം ജില്ലയിലെ ചാത്തന്നൂര്‍ സ്വദേശിയാണ്. ഭാര്യയും നാല് പെണ്‍മക്കളും ഉണ്ട്. സംസ്‌കാരം ഇന്ന് പകല്‍ 11.30ന് ചാത്തന്നൂരിലെ വീട്ടുവളപ്പില്‍ നടക്കും.