ബോളിവുഡ് സിനിമ, ടിവി താരം സന്ദീപ് നഹാര്‍ ആത്മഹത്യ ചെയ്തു. മുംബൈയിലെ വസതിയിലാണ് മൃതദേഹം കണ്ടെത്തിയത്. സന്ദീപിന്റേത് ആത്മഹത്യയാണെന്ന പ്രാഥമിക നിഗമനത്തിലാണ് പൊലീസ്.
മരിക്കുന്നതിന് മുന്‍പ് സന്ദീപ് ഫേസ്ബുക്കില്‍ ഒരു ആത്മഹത്യ കുറിപ്പ് പങ്കുവച്ചിരുന്നു. തന്റെ ബന്ധുക്കള്‍ വായിക്കാന്‍ എന്ന രീതിയിലാണ് ഇത് തയ്യാറാക്കിയിരുന്നത്. സിനിമാ ലോകത്തെ കഷ്ടപ്പാടുകളെക്കുറിച്ച് കുറിപ്പില്‍ സന്ദീപ് വിവരിച്ചിരുന്നതായാണ് വിവരം.
അന്തരിച്ച ബോളിവുഡ് താരം സുശാന്ത് സിംഗിനൊപ്പം എംഎസ് ധോണി: അണ്‍ടോള്‍ഡ് സ്റ്റോറിയില്‍ സന്ദീപ് ഒരു സുപ്രധാന വേണം കൈകാര്യം ചെയ്തിരുന്നു. അക്ഷയ് കുമാര്‍ നായകനായ കേസരിയാണ് സന്ദീപ് അഭിനയിച്ച മറ്റൊരു ചിത്രം. നിരവധി ഹിന്ദി സീരിയലുകളിലും ഇദ്ദേഹം അഭിനയിച്ചിട്ടുണ്ട്.