തൃശൂര്‍ : അമ്മയെയും മകനെയും വീട്ടില്‍ തൂങ്ങി മരിച്ച നിലയില്‍ കണ്ടെത്തി. മണ്ണംപേട്ട പൂക്കോട് വെട്ടിയാട്ടില്‍ പരേതനായ സുമേഷിൻ്റെ ഭാര്യ അനില (33), മകന്‍ അശ്വിന്‍ (13) എന്നിവരെയാണ് മരിച്ച നിലയില്‍ കണ്ടെത്തിയത്.
രാവിലെ മുതല്‍ പുറത്തു കാണാതിരുന്നതോടെ സമീപവാസിയാണ് അന്വേഷിച്ചപ്പോൾ ആണ് ഇരുവരെയും മരിച്ച നിലയിൽ കണ്ടെത്തിയത്. രണ്ട് കിടപ്പുമുറിയിലായിട്ടാണ് ഇരുവരെയും കണ്ടെത്തിയത്. അനിലയുടെ ഭര്‍ത്താവ് സുമേഷ് രണ്ടു മാസം മുന്‍പാണ് കോവിഡ് ബാധിച്ചു മരിച്ചത്. സുമേഷിൻ്റെ മരണ ശേഷം ഇരുവരും കടുത്ത മാനസിക സംഘര്‍ഷത്തിലായിരുന്നുവെന്നു ബന്ധുക്കള്‍ പറഞ്ഞു.
ജില്ലാ ആശുപത്രിയിലെ ലാബ് ടെക്നിഷ്യനാണ് അനില. വരാക്കര ഗുരുദേവ സ്കൂളിലെ എട്ടാം ക്ലാസ് വിദ്യാര്‍ഥിയാണ് അശ്വിന്‍. ഫൊറന്‍സിക് വിദഗ്ദര്‍ സ്ഥലത്തെത്തി പരിശോധന നടത്തി. മൃതദേഹങ്ങള്‍ തൃശൂര്‍ മെഡിക്കല്‍ കോളജിലേക്ക് മാറ്റി.