പാര്‍ട്ടി സ്ഥാനങ്ങള്‍ രാജിവയ്ക്കും. സര്‍ക്കാരില്‍ നിന്ന് കിട്ടിയ കോര്‍പ്പറേഷന്‍ ഉള്‍പ്പെടെ രാജിവയ്ക്കാനാണ് തീരുമാനം. എന്നാല്‍ എംഎല്‍എയായി തുടരും. പുതിയ പാര്‍ട്ടി രൂപീകരിച്ച് യുഡിഎഫിനൊപ്പം ഘടകകക്ഷിയായി നില്‍ക്കുമെന്നും മാണി സി. കാപ്പന്‍ പറഞ്ഞു. തന്നോടൊപ്പം എന്‍സിപിയിലെ പതിനൊന്ന് ഭാരവാഹികള്‍ ഉണ്ടാകും. സെക്രട്ടറിയും ട്രഷററും ഇതില്‍ ഉള്‍പ്പെടും. വ്യക്തിപരമായ ബന്ധത്തിന്റെ പേരില്‍ തന്നെ കൂട്ടത്തില്‍ നിര്‍ത്തണമെന്നായിരുന്നു ശരദ് പവാര്‍ ആഗ്രഹിച്ചത്. എന്നാല്‍ സാഹചര്യങ്ങള്‍ അനുകൂലമായിരുന്നില്ലെന്നും മാണി സി. കാപ്പന്‍ വ്യക്തമാക്കി.
ചതി ആരുടെ ഭാഗത്ത് നിന്നാണെന്ന് ആലോചിക്കണം. ജോസ്. കെ. മാണി രാജ്യസഭാംഗത്വം രാജിവച്ചത് യുഡിഎഫ് വിട്ടതിന് ശേഷമാണ്. താന്‍ എംഎല്‍എ സ്ഥാനം രാജിവയ്ക്കില്ല. ഒരാള്‍ക്ക് ഒരു രീതി, മറ്റൊരാള്‍ക്ക് മറ്റൊരു നീതി എന്ന നിലയിലാണ് കാര്യങ്ങള്‍. പറയുന്നതില്‍ നീതി വേണമെന്നും മാണി.സി. കാപ്പന്‍ പറഞ്ഞു.
പാലായില്‍ ഉടന്‍ യോഗം ചേര്‍ന്ന് തീരുമാനമെടുക്കും. താന്‍ യുഡിഎഫില്‍ എത്തുന്നത് ഗുണം ചെയ്യുമെന്നാണ് പ്രതീക്ഷിക്കുന്നത്. ജനങ്ങളുടെ കോടതിയില്‍ എല്ലാത്തിനും വ്യക്തമായ മറുപടി ലഭിക്കുമെന്നും മാണി. സി. കാപ്പന്‍ കൂട്ടിച്ചേര്‍ത്തു.