പാലായില്‍ തന്നെ മത്സരിക്കുമെന്ന് വ്യക്തമാക്കി മാണി സി. കാപ്പന്‍. പ്രഫുല്‍ പട്ടേലുമായുള്ള മുഖ്യമന്ത്രി പിണറായി വിജയന്റെ ചര്‍ച്ചയ്ക്ക് ശേഷം ഇക്കാര്യത്തില്‍ തീരുമാനമുണ്ടാകുമെന്നും മാണി സി. കാപ്പന്‍ പറഞ്ഞു.
പാലായില്‍ നിന്ന് ഒഴിയാന്‍ തന്നോട് ആരും പറഞ്ഞിട്ടില്ല. എ.ഐ.സി.സി ജനറല്‍ സെക്രട്ടറി താരിഖ് അന്‍വറുമായി കൂടിക്കാഴ്ച നടത്തിയിട്ടില്ലെന്നും മാണി സി. കാപ്പന്‍ പറഞ്ഞു.
അതേസമയം, പാല സീറ്റിന്റെ കാര്യത്തില്‍ വിട്ടുവീഴ്ചയില്ലെന്ന് എന്‍സിപി സംസ്ഥാന അധ്യക്ഷന്‍ ടി.പി. പീതാംബരന്‍ പറഞ്ഞു. പ്രഫുല്‍ പട്ടേലുമായി മുഖ്യമന്ത്രി ഫോണില്‍ സംസാരിച്ചിരുന്നു. മാണി സി. കാപ്പന്‍ പാര്‍ട്ടി വിട്ട് പോകില്ല. ഇതേ കുറിച്ച് തനിക്ക് അറിയില്ലെന്നും ടി. പി പീതാംബരന്‍ പറഞ്ഞു.