സംസ്ഥാനത്ത് ലോക്ക്ഡൗൺ ഇളവുകൾ സംബന്ധിച്ച തീരുമാനങ്ങൾ ഇന്നറിയാം. ഇന്ന് വൈകിട്ട് മുഖ്യമന്ത്രിയുടെ നേതൃത്വത്തിൽ അവലോകന യോഗം ചേരും. ലോക്ക്ഡൗൺ അവസാനിപ്പിക്കാതെ കൂടുതൽ വിഭാഗങ്ങൾക്ക് ഇളവുകൾ നൽകുന്നതിനെ കുറിച്ചാണ് സർക്കാർ പരിഗണിക്കുക എന്നാണ് റിപ്പോർട്ടുകൾ.
ടെസ്റ്റ് പോസിറ്റിവിറ്റി 10 ശതമാനമായി കുറയുന്നത് വരെ ലോക്ക്ഡൗൺ വേണമെന്ന നിലപാടിലാണ് സർക്കാർ. ബാർബർ ഷോപ്പുകൾ, തുണിക്കടകൾ, ചെരുപ്പ് കടകൾ, എന്നിവ തുറന്നേക്കും. ബിവറേജസ് ഔട്ട്‌ലറ്റുകൾ തുറക്കേണ്ട എന്നാണ് തീരുമാനം.
ശനി, ഞായർ ദിവസങ്ങളിലെ സമ്പൂർണ ലോക്ക്ഡൗണിന് ശേഷം ഇന്ന് കൂടുതൽ ഇളവുകളുണ്ട്. അതേസമയം ലോക്ക്ഡൗൺ നിയന്ത്രണങ്ങളുടെ പേരിൽ പൊലീസ് വ്യാപാരികളെ ബുദ്ധിമുട്ടിക്കുന്നു എന്നാരോപിച്ച് എറണാകുളത്ത് ഇന്ന് വ്യാപാരി വ്യവസായി ഏകോപന സമിതി കടകൾ അടച്ചിട്ട് പ്രതിഷേധിക്കാൻ ആണ് തീരുമാനം.