ഇന്ത്യക്കാരായ 6.76 ലക്ഷംപേര്‍ പൗരത്വം ഉപേക്ഷിച്ചു. 2015നും 2019 നുമിടയിലാണ് ഇത്രയും പേര്‍ പൗരത്വം വേണ്ടെന്നു വച്ചതെന്ന് ആഭ്യന്തര വകുപ്പ് സഹമന്ത്രി നിത്യാനന്ദ റായ് ലോക്സഭയില്‍ നല്കിയ മറുപടിയില്‍ പറയുന്നു. മന്ത്രാലയത്തിന് ലഭ്യമായ കണക്കുകള്‍ പ്രകാരം വിദേശരാജ്യങ്ങളില്‍ ജീവിക്കുന്ന ഇന്ത്യക്കാരുടെ എണ്ണം 1,24,99,395 ആണെന്നും മറുപടിയിലുണ്ട്. 2015ല്‍ 1,41,656, 2016ല്‍ 1,44,942, 2017 ല്‍ 1,27,905, 2018ല്‍ 1,25,130, 2019ല്‍ 1,36,441 പേര്‍ വീതം ഇന്ത്യന്‍ പൗരത്വം ഉപേക്ഷിച്ചുവെന്ന് മന്ത്രിയുടെ മറുപടിയില്‍ പറയുന്നു.
